فارسی افغانستان العربیة English Türkçe
http://fna.ir/9YM818

ولسی جرګه: له امریکا سره د افغانستان ننګین تړون دې له سره وارزول شی

د افغانستان د ولسی جرګې یوه غړی وویل: د خلکو استازی دې خپل وجدانونه ویښ کړی او له امریکا سره ننګین تړون دې له سره وارزوی، حکومت ولې په دې اړه امریکا نه پوښتی او له دې هېواد څخه پوښتنه نه کوی، چې ولې په افغانستان کې د خپلو ځواکونو د شمېر د زیاتولو په هڅه کې دى؟

ولسی جرګه: له امریکا سره د افغانستان ننګین تړون دې له سره وارزول شی

د فارس خبری اژانس د افغانستان وېبپاڼې خبریال د راپور پر بنسټ، د افغانستان د ولسی جرګې غړو اعلان وکړ، تر هغې چې امریکا له افغانستان سره پر کړنو ژمنو صادقانه عمل نه وکړی، په دې هېواد کې د امریکایی ځواکونو د شمېر زیاتول به د جګړې د پاى ته رسولو لپاره نه وی.

د افغانستان د ولسی جرګې غړی مولوی عبدالرحمان رحمانی په دې هېواد کې د ناامنیو د زیاتېدو په اړه وویل: د خلکو استازی باید خپل وجدانونه ویښ کړی او له امریکا سره ننګین تړون له سره وارزوی، حکومت ولې امریکا نه پوښتی او ترې پوښتنه نه کوی، چې آیا تراوسه یې پر خپلو ژمنو عمل کړى، چې اوس په افغانستان کې د خپلو سرتېرو د شمېر زیاتولو په لټه کې ده؟

رحمانی زیاته کړه: د امریکایی سرتېرو د شمېر زیاتېدل او هغوى ته زیات صلاحیتونه ورکول د امنیتی تړون خلاف دی او په حقیقت کې به «د افغانستان اشغال» وی.

هغه دې ته په اشارې، چې امریکا په افغانستان کې د خپلو موخو په لټه کې ده، ټینګار وکړ، که داسې نه وی، نو یاد هېواد ولې هغو ژمنو ته وفادار نه دى، چې په امنیتی تړون کې یې کړې دی.

د افغانستان د ولسی جرګې بل غړی عبدالطیف پدرام هم وویل: افغانستان د نورو امریکایی سرتېرو په راتګ سره به د دې هېواد په شمال او لوېدیځ کې جګړه نوره هم تونده شی، ځکه په شمال کې د ناامنیو زیاتېدل یوه پروژه ده.

پدرام ټینګار وکړ: د افغانستان په اړه د امریکا نوې ستراتېژی په دې هېواد کې د ناامنۍ ستونزه نه حلوی.

/پای/

ولسی جرګه مولوی عبدالرحمان رحمانی ننګین تړون د فارس خبری اژانس د افغانستان وېبپاڼې خبریال

اخبار مرتبط

نظرات
دیدگاه های ارسال شده توسط شما، پس از تایید توسط خبرگزاری فارس در وب سایت منتشر خواهد شد
Captcha
لطفا پیام خود را وارد نمایید.
پیام شما با موفقیت ثبت گردید.
لطفا کد اعتبارسنجی را صحیح وارد نمایید.
مشکلی پیش آمده است. لطفا دوباره تلاش نمایید.

آخرین اخبار

برگزیده ها