افغانستان ته د اشرف غنی د دولت د یوې بلې څېرې ستنېدل

د فارس خبری اژانس د افغانستان سایټ د راپور له مخې طالبانو کابل ته د «حسیب اله کلیم زی» د ستنېدو خبر ورکړی دی.

له افغان شخصیتونو سره د اړیکو د کمیسیون د راپور په اساس د سنا مرستیال مشر او په تېر دولت کې د نړیوالو اړیکو د کمیسیون مشر حسب الله کلیم زی نن چهارشنبه افغانستان ته ستون شوی دی.

دا په داسې حال کې دی چې تېرو اونۍ مارشال دوستم ته نزدې څېره نظام الدین قیصاری هم افغانستان ته ستون شوی دی.

 قیصاری دوستم ته نزدې کس دی چې اشرف غنی هم څو ځله په مختلفو دلایلو هغه نیولی و. 

له دې مخکې ځینو سرچینو ویلې وو چې قیصاری به له دوستم سره یو ځای افغانستان ته ستنیږی. 

په افغانستان د طالبانو له ولکې وروسته د دغه هیواد ځینې سیاستوال او تاجران بهرنیو هیوادونو ته لاړل ، دا په داسې حال کې دی چې ډېرو  طالب چارواکو ویلې د تېر دولت د سیاسی او تکړه کسانو د ستنولو هڅې کوی او د هغوی عزت او امنیت به خوندی وی.

طالبانو د افغانستانی شخصیتونو د ستنولو لپاره د تماس کمیسیون جوړ کړی دی.

دا په داسې حال کې دی چې تېره اونۍ د پخوانی افغان مقام یو شمېر مقامات د طالبانو په هڅه افغانستان ته ستانه شوې او ویلې یې دی چې د هیواد د راتلونکی لپاره به هڅه کوی.

د خبر پای/ ر