ایران:بهرنیو وګړو ته بانکی خدمات دوام لری

د فارس د خبری اژانس د افغانستان د څانګې له راپور سره سم، د ایران د مرکزی بانک د عامه اړیکو مدیر مصفی قمری وفا په یوه ټوییټ کې د بهرنیو وګړو د بانکی اکاونټونو په هکله ولیکل: د بهرنیو وګړو لپاره د بانکی خدماتو د محدودیت په هکله د ځینو راپورونو په اړوند باید وویل شی چی د ټوله بهرنی وګړی  د بانکی کارټ په ذریعه د اینټرنیټی پېر او تر (۱۰۰ میلیون ریال) پوری د پیسو د لېږدولو خدمات  ته لاسرسی لری.
همدارنګه په راتلونکو ورځو کې له اړوندو اداراتو څخه د قانونی بهرنی وګړیو د هویتی معلوماتو د تر لاسه کولو وروسته نورو  بانکی خدماتو ته به هم لاسرسی پیدا کړی.
د فارس له راپور سره سم، په تېرو ورځو په ځینو خبری ویب پاڼو کې په ایران کې د بهرنیو وګړو د بانکی اکاونټونو د بندېدو او د خدماتو د نه وړاندې کېدو په هکله ځینې راپورونه خپاره شوی وه.
نن سهار هم د ملی او ملت بانکونو د یوې بیانیې په صادرولو سره، تر بیا ځلی اطلاع رسونې پوری ټولو بهرنیو وګړو ته د هر ډول بانکې خدماتو وړاندې کېدا ممنوع اعلان کړی وه.