د طالبانو جک پوړی چارواکی: پر کابل د امریکې حمله د دوحې د موافقې خلاف ورزی ده

د فارس خبری آژانس د افغانستان د سایټ د خبریال د رپورټ له مخې د طالبانو د موقته حکومت د وزیراعظم دویم مرستیال عبدالسلام حنفی وویل: په کابل کښې د بې پایلټه الوتکو حمله د افغانستان د ملی واکمنۍ او د دوحې د موافقه لیک خلاف ورزی ده.

هغه په کابل کښې د القاعده د مشر وژل کیدو ته له اشارې پرته زیاته کړه: د افغانستان خاوره به د هیڅ کوم هیواد خلاف استعمال نه شی.

له دې مخکښې د امیکې د بهرنیو چارو وزیر انتونی بلینکن په افغانستان کښې د القاعده د مشر ایمن الظواهری د وژل کیدو په وجه طالبانو د دوحې د موافقې په خلاف ورزۍ تورن کړی وو.

بلینکن وویل: طالبانو په کابل کښې د القاعده مشر ته په پناه ورکولو او د هغه په کوربه توب سره د دووحې موافقه او د ترهګرو له خوا د نورو هیوادونو د امنیت د ګواښلو لپاره د افغانستان له خاورې د استفادې د اجازې نه ورکولو په هکله نړۍ خپلې بیابیا ډاډګیرنې سختې خرابې کړې دی.

د امریکې خارجه وزیر د طالبانو مشر ته په خطاب کښې په تنده لحجه کښې وویل: هغوی هم داشان د افغانستان له خلکو او په رسمیت پیژندل کیدو ته له خپلې ګروهنې او له نړیوالې ټولنې سره د اړیکو له عادی کولو سره خیانت وکړ. 

د ویلو ده چې د امریکې ولسمشر جوبایډن د تیرې سنبه شنبې (د آګست د دویمې نیټې) په سهار د افغاسنتان په پلازمینې کابل کښې په یو هدف باندې د یکشنبې ورځې د ډرون حملې په هکله وضاحت ورکړ او په سپینې ماڼۍ کښې په یوې خبری غونډې کښې یې وویل: د القاعده ترهګرې ډلې مشر ایمن الظواهری مو په افغانستان کښې وواژه. الظواهری په مختلفو بریدونو کښې د ډیرو امریکایانو د وژل کیدو سبب شوی و.

د خبر پاې/ ر