المیادین د الظواهری د وژل کېدو د څرنګوالی په هکله د امریکا روایت تر پوښتنې لاندې راوسته

د فارس خبری اژانس د راپور له مخې  المیادین د دپلماتیکو سرچینو په حواله وویل: ایمن الظواهری هغه شان چې امریکا یې روایتوی، نه دی وژل شوی.

 دغه سرچینې المیادین ته وویل چې الظواهری په یوې چاودنې کې چې علت یې معلوم نه و وژل شوی او د دغه چاودنې ماهیت هیڅکله نه شی معلومیدی.

 دغه چینل په دوام کې د دپلماتیکو سرچینو له قوله ولیکل چې طالبانو د الظواهری وژله تایید کړې او په طالبانو کې دننه موثقو شاهدانو ویلې چې د هغه مړی یې لیدلی دی.

له دې مخکې ځینې رسنیو د ایمن الظواهری په وژله کې شک څرګند کړی و  منجمله د مصر د جماعت اسلامی  یو مشر « ناجح ابراهیم»  چې د اسلامی ډلو د چارو کارپوه دی او د«القاهره ۲۴» سایټ ویلې وو چې له تېرو  څلورو کلونو د ایم الظواهری دمرګ په اړه  دې ته ورته ډېر خبرونه په لویدیځو رسنیو کې خپاره شوې دی، الظواهری اویا کاله  عمر لری او د سلامتیا حالت یې ثابت نه دی او که مړ شی کاملا طبیعی ده.

د الظواهری د مرګ د څرنګوالی په اړه شکونه هغه وخت زیات شول چې د سپینې ماڼۍ د ملی امنیت د شوار ویندویی جان کربی  له سی این این سره په مرکه کې د الظواهری د وژل کیدو د یقین  د اندازې به اړه وویل: « د ډی این ای تاییدیه نه لرو او دغه ډول  تاییدیه به لاسته راهم نه وړو. ښه صفا او رښتیا درته ووایم چې د ډېرو منابعو او مختلفو طریقو په استناد  دهغه تاییدیې ته اړتیا هم نه لرو» هغه وویل چې یوازې د بصری یا لیدونکې تاییدیې په اساس وایی چې الظواهری وژل شوی دی.

  سه شنبه سهار د امریکا  یو لوړ پوړی دولتی مقام  په کابل کې په یو هدف د ډرون حملې په تایید سره وویل چې په دغه حمله کې د القاعدې  یو جګ پوړی مشر وژل شوی دی.

 د امریکایی رسنۍ د راپور له مخې د دغ مقام په بیانیه کې  چې نوم یا مقام یې نه دی افشا شوی راغلې دی: د اونۍ په اخره کې متحده ایالتونو یو ترهه ګر ضد عملیات په افغانستان کې د القاعدې د یو مهم هدف په خلاف وکړل، دغه عملیات کامیاب وو او ملکی کسانو ته تاوان ونه رسید»

 له دې سره په یو وخت اسوشیټډ پریس  د امریکا په دولت کې د اطلاعتی او  امنیتی سرچینو په قول ولیکل:  په کابل کې د امریکا د یکشنبې  ورځې په حمله کې  د القاعدې ترهه ګرې ډلې مشر ایمن الظواهری وژل شوی دی.

 له بلې خوا د امریکا یوې خبرې سرچینې «نیویارک ټایمز» ته وویل: الظواهری د طالبانو د کورنیو چارو د وزیر سراج الدین حقانی د یو مشر سلاکار په کور کې په نښه شوی او په دغه حمله کې له «هل فایر» توغندی استفاده شوې ده.

امریکایی خبریالانو د الظواهری په اړه ولیکل:«  د بن لادن له زمانې هیچا د ظواهری هومره په القاعدې کې نفوذ نه درلود. دغه مصری توکمه افراط ګر، ترهه ګرو غورځنګونو ته الهام ورکوونکی و او په لسګونو کلونه د متحده ایالتونو هدف و»

رویټرز خبری اژانس وایی چې   له دوه زره لومړی کاله د الظواهری په سر پینځه ویشت میلیون ډالره انعام ټاکل شوی و هغه د ستمبر د یوولسمې په حملې سربېره په دوه زرم کال کې په یو ایس ایس کول امریکایی بیړې د حملې پلانګر هم و چې پکې اولس امریکایی ماڼوګان ووژل شول. امریکا خارجه وزارت هم وایی چې هغه په کینیا او تنزانیه کې د امریکا په سفارتونو کې د ۱۹۹۸ کال په اګست کې په بم کیښودلو کې هم لاس درلود چې پکې ۲۲۴ کسان وژل شوې وو.

 دخبر پای/ ر