ملګری ملتونه: د افغانستان نیمایی خلک د خوراکی موادو له کړکیچ سره مخ دی

د فارس خبری آژانس د افغانستان د برخې د خبریال د رپورټ له مخې د خوړو نړیوال سازمان د خوراکی موادو له کړکیچ سره د افغانستان د خلکو د مخامخیدنې په هکله یو نوی رپورټ وړاندې کړ.

د دغه سازمان په وینا، د افغانستان نیمایی خلک دمګړۍ د خوراکی توکه په بحران کښې ښکیل دی.

د خوړو نړیوال سازمان ویلی دی چې له دې مخکښې به د افغانستان خلک یوازې په ژمی د خوراکی موادو له کړکیچ سره مخامخ وو خو اوسمهال د کال په ټولو موسمونو کښې د دغه هیواد نیم په نیمه خلک د خوراکی موادو له کړکیچ سره مخامخ دی.

دغه سازمان هم داشان یادونه کړې ده چې په تیر کال کښې په افغانستان کښې له ۲۳ میلیون کسانو سره خوراکی مرستې وشوې.

اوچا په یو ټویټ کښې ویلی دی چې د افغانستان ۲۳ میلیونه خلک د انسانی مرستو په وړومبیتوب کښې دی خو دا مرستې هله کیدې شی چې د دې کار لپاره پوره بودجه ولری.

اوچا له افغانستان سره د انسانی مرستو لپاره د ۴.۶ میلیارډه ډالرو غوښتنه کړې ده.

د ویلو ده چې په افغانستان کښې د طالبانو له واکمنیدو وروسته مرستندویه ارګانونو تل په دغه هیواد کښې د بد انسانی وضعیت په اړه خبرداری ورکړی دی.

د خبر پاې/