افغانان د درملنې لپاره له هیواده بهر نیم میلیارډ ډالر لګوی

د فارس خبری آژانس د افغانستان د برخې د خبریال د رپورټ له مخې د طالبانو د روغتیا وزیر قلندر عباد وویل: د افغانستان خلک په کال کښې نیم میلیارډ ډالر له هیواده بهر د خپلو ناروغانو د درملنې لپاره کاروی.

هغه په یوې خبری غونډې کښې وویل: کال کښې نیم میلیارډ ډالر له هیواده بهر د افغانستان د خلکو په درملنې لګی چې دا د هیواد لپاره ډیر دروند لګښت دی.

قلندر زیاته کړه: د ډاکټرانو د پوهې په زیاتیدو او په هیواد کښې دننه د درملیزو خدماتو په برابریدو سره، اوس په افغانستان کښې دننه د ډیرو ناروغانو درملنه ممکنه ده او بهر هیوادونو ته د تګ ضرورت نشته.

په دې وروستیو کښې په ټولنیزو شبکو کښې د روغتیا وزارت قلندر عباس یوه ویډیو خپره شوه چې هغه په کښې وایی چې دغه ډله غواړی د افغانستان د ښوونې په نظام کښې په تیره بیا د طب په برخه برخه کښې د پاکستان د تعلیمی نظام د قوانینو په بنیاد بدلون راولی.

هغه په دام کښې وویل: غوره ده پر ځاې د دې چې د افغانستان محصلین د زده کړې لپاره پاکستان ته لاړ شی، مختلفې طبی برخې افغانستان ته منتقلې شی.

قلندر عباد د روان لمریز کال په غویی میاشت کښې د پاکستان پلازمینې اسلام آباد ته تلی و. هغه په دغه سفر کښې د افغانستان لپاره د پاکستان د پخوانی استازی صادق خان په شمول د پاکستان له یوشمیر چارواکو او ه مداشان د شفا نړیوال روغتون له مسئولانو سره یې ملاقاتونه وکړل.

د خبر پاې/