د هند او طالبانو د دپلماتیکې او پوځی موافقې په اړه د پاکستانی رسنیو ادعا

 د فارس خبری اژانس د افغانستان سایټ د راپور له مخې یوې پاکستانۍ رسنۍ وویل چې طالبانو او هند یوه موافقه لاسلیک  کړې چې په اساس یې ټاکل شوې هند د افغانستان د خارجه وزارت کارکوونکو او سفیرانو ته ټریننګ ورکړی.

د ایکسپریس ټریبیون  د راپور له مخې د هند دغه نوی اقدام له طالبانو سره د دوه اړخیزو اړیکو د پراختیا لپاره شوی دی.

پخوا هم د افغانستان د تېر دولت او هند حکومت تر مینځ یو بل تړون لاسلیک شوی و چې د هند په پوځی اکیډمۍ کې د افغانستان پوځیانو ته پکې ټریننګ ورکړل شوی و.

طالبانو تر اوسه له هند سره د پوځی او دپلماتیکې موافقې لاسلیکېدا نه ده تایید کړې خو له دې مخکې د طالبانو دفاع وزیر محمد یعقوب له هنده غوښتې وو چې  د دپلماتیکو اړیکو له ټینګولو او په کابل کې د سفارت له خلاصولو وروسته  د دواړو لورو ترمینځ دفاعی او پوځی اړیکی هم ټینګ  شی.

د خبر پای/.