کابل ته د اماراتو عالمانو سفر

د فارس خبری اژانس د افغانستان سایټ د راپور له مخې کابل ته د اماراتو د عالمانو د پلاوی  په رسیدلو سره ، د طالبانو خارجه وزارت ویلې چې د ګاوندیو هیوادونو په اړیکو کې د ښه والی لپاره هڅې روانې دی، او سرپرست حکومت تر اوسه توانېدلی  له مختلفو هیوادونو سره اړیکی برابر کړی.

د طالبانو د خارجه وزارت مرستیال رحمت الحق فضیل په دې اړه ویلې، متحده عربی امارات او افغانستان ژور تاریخی، دینی او فرهنګی اړیکی لری او دا به نورې هم ښې شی او سیاسی پرمختګ به هم وشی.

 د متحده اماراتو د عالمانو د شورا مشر ویلې چې دغه پلاوی له سرپرست حکومت او د افغانستان له خلکو سره هر ډول ملګرتیا ته تیار دی.

دغه پلاوی د طالبانو له لوړ رتبه کسانو منجمله خارجه وزیر امیر خان متقی سره کتنه هم کړې ده.

متقی په دغه کتنه کې ویلې چې   افغانستان کې امن راغلی او په دغه هیواد کې د نشه ایزو مواد کر کم شوی او مونږ له ټولو هیوادونو سره انډوله سیاست غواړو.

 د طالبانو خارجه وزیر زیاته کړه: افغانستان  له معدونونو بډایه هیواد دی او په دې برخه کې د متحده اماراتو لپاره د پانګونې ښه فرصتونه شته دی او مونږ او تاسو په سیاسی، اقتصادی او فرهنګی برخو کې ملګری او همکاره یو.

 د خبر پای/.