داعش د کابل د پرونۍ چاودونې مسوولیت په غاړه واخیست

د فارس خبری اژانس د افغانستان سایټ د راپور له مخې رویټرز خبری اژانس د داعش د ټیلی ګرام چینل (اعماق) په حواله راپور ورکړی چې دغه ډلې دافغانستان خارجه وزارت ته نزدې د پرونۍ حملې مسوولیت په غاړه اخستی دی.

دغه حمله پرون کابو ماسپښین یوه بجه  د افغانستان خارجه وزارت ته نزدې د پلټنې په پوسټې کې وشوه  او لږ تر لږه شپږ کسان یې مړه او یو شمېر یې ژوبل کړل.

 د کابل د پولیسو د کوماندې ویندویی په دې اړه وویل چې  انتحارکووونکی کس د پلټنې په ځای کې  ځای پر ځای ځواکونو وپیژنده او پرې یې ډزې وکړې او په نتیجه کې یې د یرغلګر انتحاری جیکټ هم وچاودید.

  په افغانستان کې د ملګرو ملتو دفتر یوناما هم په پرونۍ حملې په غبرګون کې هغه د نه منلو وړ بللې ده.

داغش له دې مخکې هم د خارجه وزارت پر کارکوونکو ورته حملې کړې چې له امله یې په لسګونو کسان مړه او ژوبل شوې دی.

دا حملې په داسې حال کې د داعش له خوا کیږی چې طالبانو له دې مخکې ویلې وو چې دغه ډله په افغانستان کې ترهه ګر فعالیت نه لری.

د خبر پای/ ر