طالبانو د ملګرو ملتو د مرستو د غږملتیا کمیټې د جوړولو وخبر ورکړ

د فارس خبری آژانس د افغانستان د برخې د خبریال د رپورټ له مخې، د طالبانو د بهرنیو چارو وزات وویل چې د دغې ډلې د ادارو او په ملګرو ملتو پورې اړونده ارګانونو ترمنیځ د لازیاتې غږملتیا په موخه د غږملتیا یوه کمیټه جوړیږی.

د طالبانو د خارجه وزارت مرستیال ویاند ضیا احمد تکل د یو ټویټ په خپرولو سره ویلی دی چې په افغانستان کښې د ملګرو ملتو د ارګانونو او په دغې ډلې پورې د اړونده ادارو ترمینځ د غږملتیا غونډه پرون چهارشنبه په دغې وزارتخانې کښې ترسره شوه.

د طالبانو خارجه وزیر امیر خان متقی په دې غونډه کښې ویلی دی چې افغانستان د څلور لسیزو له جنګه متاثر شوی او څه موده کیږی چې نړیوالو مرستو ته اړتیا لری.

د هغه په باور، د دغو مرستو په برکت افغاسنتان په خپلو پښو اودریدې شی او د مرستو د یو ترلاسه کوونکی هیواد پر ځاې، په یو مرسته کونکی هیواد بدلیدې شی.

په عین حال کښې په افغانستان کښې د ملګرو ملتو د دفتر  (یوناما) د دفتر مرستیال رامز الاکبروف هم ویلی دی: زمونږ او ستاسو هدف یو دی او هغه دا دی چې افغانستان آباد او پر ځان بسیا کړو.

هغه څرګنده کړې ده چې د مرستو ویش به داسې تنظیم شی چې د خلکو لپاره کاری فرصتونه رامینځته شی او اقتصاد روان شی.

د خبر پاې/