کاظمی قمی د افغانستان لپاره د پاکستان د نوی ځانګړی استازی له ټاکلو هرکلی وکړ

د فارس خبری آژانس د خبر له مخې، د افغانستان په چارو کښې د ایران د اسلامی جمهوریت ځانګړی سفیر او استازی حسن کاظمی قمی د افغانستان په چارو کښې د پاکستان د ځانګړی استازی په توګه د آصف درانی ټاکل کیدو ته په اشارې سره وویل: هیله لرو چې د هیوادونو د ځانګړو استازو په ملګرتیا سره د افغانستان په برخه کښې اغیزناک رول لوبوی.

د پاکستان وزیراعظم شهباز شریف، آصف علی خان د افغانستان په چارو کښې د خپل ځانګړی استازی په توګه ګمارلی دی.

د پاکستان د بهرنیو چارو وزارت هم په یوې خبرپاڼې کښې، د افغانستان لپاره د اسلام آباد د نوی استازی د ګمارنې د خبر په اعلانولو سره ویلی دی چې آصف علی خان درانی د پاکستان له مرستیال خارجه وزیرې سره ملاقات او خبرې اترې کړې دی.

حنا ربانی په دغې کتنې کښې په افغانستان کښې د خپلې دندې په ښه توګه ترسره کولو کښې له درانی سره د همکارۍ ډاډ ورکړی دی.

آصف علی خان له دې مخکښې په افغانستان او په متحده عرب اماراتو کښې د ډیپلماټ او په تهران کښې د پاکستان د سفیر په توګه کار کړی دی.

له دې مخکښې محمد صادق خان د افغانستان په چارو کښې د پکاستان د وزیراعظم ځانګړی استازی و چې څه موده مخکښې یې له دغه مقامه استعفا ورکړه.

د خبر پاې/