په بل ابریشم کې اقتصادی مبادلات له سره پېل شول

 د فارس خبری اژانس د راپور له مخې ایوب وویل چې پرون په نیمروز کې له سرحدی شخړې وروسته نن د میلک یا پل ابریشم دروازه دوباره پرانستل شوې او اقتصادی راکړې ورکړې پکې له سره پېل شوې دی.

د ایران د سیستان او بلوچستان ولایت د ټرانسپورټ د ادارې مشر  وویل چې د پرونۍ نښتې له امله دغه پوله د هر ډول اقتصادی مبادلاتو په مخ بنده شوې ده.

هغه وویل د حالاتو له کراریدو وروسته  څو ساعته مخکې په دغه پوله کې اقتصادی مبادلات له سره پېل شوې دی.

د  هیرمند ولسوالۍ د میلک سرحدی بازارچه او دروازه د زاهدان په ۳۴۰ کلومیټرۍ او د  افغانستان د نیمروز ولایت په ګاونډ کې پرته ده.

په دغه  دروازه کې ۱۸۰ نړیوال شرکتونه او دوه د سپرلیو شرکتونه فعالیت کوی او کابو زر کسان په دغه پوله کې په کار لګیا دی.

زیاتره سامان چې له میلک پولې افغانستان ته ټرانزیټ کیږی د ګاډو پرزې، او صادراتی سامان لکه  لبنیاتی محصولات، میوې، سبزیانې ، تیلی محصولات، واوره او سیمټ دی.

دې ته په پام سره چې د افغانستان زرنج ښار د افغانستان د نورو ښارونو په پرتله زیات امنیت لری اکثره خارجی ډریوران  په دغه دروازه کې تګ راتګ ته ترجیح ورکوی.

د خبر پای/.