طالبان: له ګاونډیانو سره جنګ نه غواړو

د فارس خبری اژانس د راپور له مخې د طالبانو د کورنیو چارو  ویندویی د ایران او افغانستان په پوله کې د پرونۍ شخړې په اړه  وضاحتونه وکړل.

په داسې حال کې چې د ایران د پولیسو د مشر قایم مقام سردار قاسم رضایی مخکې ویلې وو چې  نښته د طالبانو له خوا پېل شوې، هغه ادعا وکړه چې په نیمروز ولایت کې  ایرانیو پوله ساتو په افغانستانی لوری ډزې وکړې چې له متقابلو ډزو سره مخامخ شول.

 د هغه په وینا په دغو ډزو کې د دواړو لورو یو شمېر کسان مړه او ژوبل شول.

د طالبانو د کورنیو چارو د وزارت ویندویی وویل چې په دغه پېښه د دواړو لورو لخوا غور شوی او اوس حالات په کنټرول کې دی.

د فارس خبری اژانس د راپور له مخې د ایران د پولیسو د مشر ځای ناستی سردار قاسم رضایی د ایران په پوله کې د طالب ځواکونو د ناسنجولی اقدام په اړه وویل:  نن سهار کابو لس بجې طالب ځواکونو د افغانستان له خاورې څخه  نړیوالو قوانینو او د ښه ګاونډیتوب اصولو ته له  پام پرته په  ډول ډول وسلو  د زابل ولایت  په سرحدی سیمه کې واقع ساسولی پوستې د ډول ډول وسلو ډزې وک ړې چې د ایران د تکړه او میړنو پوله ساتو له غوڅ غبرګونه سره مخامخ شول.

هغه جوته کړه: د طالبانو له لورې له ډزو وروسته، د سرحدی پروټوکولونو په اساس د لومړۍ درجې د پوله ساتی له خوا  یرغلګرو ځواکونو ته لازم تذکرات ورکړی شول خو متاسفانه  له څو ساعته مخکې څخه ډزې او نښتې روانې دی.

 د ایران د پولیسو د کوماندان ځای ناستی وویل:  د طالبانو له خوا د سرحدی نښتو په پېلیدو پسې د ایران د پولیسو لوی کوماندان سردار احمد رضا  پوله ساتو ته لازم پرېکنده اوامر وکړل او تاکید یې وکړه چې په میړانې سره د خپلو پولو دفاع وکړی او هیچا ته پولو ته د نزدې کېدو او تیری اجازه ورنه کړی.

د ویلو ده  په دغه امر کې ټینګار شوی چې د اسلامی ایران پوله ساتی ځواکونه هر ډول تیری او حملې ته قاطعانه ځواک ورکوی او د افغانستان اوسنی واکمنان باید د ناسنجولو او د نړیوالو اصولو د مخالف عمل په وړاندې ځواب ووایی.

د خبر پای/.