په تخار کې د نشه ایزو مواد له کر سره د مبارزې سختوالی

په تخار کې د نشه ایزو مواد له کر سره د مبارزې سختوالی

په تخار  کې د طالبانو ځایی مقاماتو په دغه ولایت کې له کوکنارو سره د مبارزې د سختېدو خبر ورکړی او ویلې یې دی چې ۷۵۰۰ هکټاره ځمکه تر اوسه  له نشه ایزو موادو پاکه شوې ده.

د فارس خبری اژانس د راپور له مخې د تخار مقامات وایی چې په دغه ولایت کې یې اوه نیم سوه هکټاره ځمکه له کوکنارو پاکه کړې ده.

 د تخار د پولیسو ویندویی عبدالمبین صافی په دې اړه وویل: په تېره میاشته کې د تخار د پولیسو له نشه ایزو موادو سره د مبارزې برخې په مرکز او شپاړسو ولسوالیو کې دغه ځمکه له کوکنارو پاکه کړې ده.

هغه وویل لا هم ۱۰ زره هکټاره ځمکه  په فرخار، کلفګان او رستاق ولسوالیو کې د کوکنارو تر کښت لاندې دی او ډېر زر به له نشه ایزو موادو سره دمبارزې پولیس هغه هم له مینځه یوسی.

د تخار د پولیسو ویندویی وویل د کورنیو چارو وزارت له کروندګرو غوښتی چې د کوکنارو په ځای زعفران، هینګ  او نور څیزونه وکری.

 په افغانستان کې قدرت ته د طالبانو له رسیدو وروسته د دغه ډلې مشر په یو امر کې په افغانستان کې د  کوکنارو کر منع کړی او ویلې یې دی چې  له سرغړوونکو سره به چلند کیږی.

د خبر پای/.