قاری یوسف احمدی د افغانستان د رسنیو د مرکز مشر شو

د فارس خبری آژانس د افغانستان د برخې د خبریال د رپورټ له مخې، د طالبانو یو ویاند قاری یوسف احمدی د ملا هبت الله اخوندزاده د حکم له مخې، د طالبانو د رسندوی مرکز د مشر په توګه خپل کار پیل کړ.

احمدی نن(سه شنبه) د طالبانو د ځینو مسئولانو له خوا د دغې ډلې د رسندوی مرکز کارمندانو ته معرفی شو.

د طالبانو د رییس الوزرا د عامه او سټراټیجکو اړیکو مرستیال مولوی احمد الله متقی د قاری یوسف احمدی د معرفۍ په وخت هغه په وروستیو دوو لسیزو کښې د دغې ډلې یو فعال کلتوری او اطلاعاتی غړی وباله.

د طالبانو د اطلاعاتو او کلتور وزارت اداری مرستیال سعدالدین سعید هم هیله څرګنده کړه چې د احمدی د کار په پیلولو سره، له دغې ډلې سره د افغانستان په رسندوی ټولنه کښې پیوستون و غږملتیا پیاوړې کیږی.

احمدی په دې وروستیو کښې په قندهار کښې د دغې ډلې د اطلاعاتو او کلتور د مشر په توګه د طالبانو د رسندوی مرکز د تیر مشر انعام الله سمنګانی له ټاکل کیدو وروسته، د طالبانو د رسندوی مرکز د سرپرست په توګه ګمار شوی دی.

د خبرپاې/