د داعش د خراسان مشر د طالبانو په عملیاتو کښې ووژل شو

د افغانستان لپاره د فارس خبری آژانس خبریال د دغه هیواد د رسنیو د ادعا له مخې ویلی چې په شهاب المهاجر مشهور «ثناءالله غفاری» چې د خراسان د داعش ترهګرې ډلې مشر و، تیره شپه په کنړ ولایت کښې « د ښکار عملیات» په عنوان سره د طالبانو د امنیتی ځواکونو په عملیاتو کښې وژل شوی دی.

شهاب المهاجر د ۲۰۲۰ کال په جون میاشت کښې د داعش د مرکزی برخې له خوا د دغې ډلې د خراسان څانګې د مشر په توګه ټاکل شوی و.

د امریکې د خارجه وزارت له ترهګرۍ سره د مبارزې د دفتر د رپورټونو له مخې، د داعش ډلې دغه مشر چې د کابل د پولی ټکنیک پوهنتون فارغ التحصیل دی، د افغانستان په تیر حکومت کښې د افغانستان د ولسمشر د وړومبی مرستیال امر الله صالح د ځانګړی ګارډ غړی هم و.

د امریکې حکومت شهاب المهاجر له داعش څخه د مالی ملاتړ لپاره د پیسو په راغونډولو تورن کړی او د هغه د نیولو لپاره یې ۱۰ میلیون ډالر انعام ټاکلی و.

تیره میاشت هم د شهاب المهاجر مرستیال «انجنیر عمر»  په کابل ښار کښې په ځانګړو عملیاتو کښې هلاک شوی و.

د ویلو ده چې د طالبانو د حکومت رسمی سرچینو تراوسه دا خبر نه دی تایید کړی.

د خبر پاې/