په پاکستان کې تر اوو سوو زیات افغان مهاجر ونیول شول

د فارس خبری اژانس د راپور له مخې په پاکستان کې د افغان کډوالو د نیولو په نوې څپه کې په اسلام اباد کې د طالبانو سفیر وویل چې په تېرو دوو اونیو کې تر اوو سوو زیات افغان مهاجر د  پاکستان په دریو ښارونو کې نیول شوی چې په دوی کې هغه کسان هم وو چې قانونی مدارک یې لرل.

 هغه زیاته کړه: یوازې پرون په اسلام اباد کې دوه سوه مهاجر نیول شوی چې ۱۲۱ یې د ملګرو ملتو د کډوالۍ کارټونه لرل او ۳۴ نورو ویزې لرلې چې د سفارت او د مهاجرو استازو په هڅه د اسنادو لرونکی کسان خوشی شول.

 د پاکستان لومړی وزیر په دا وروستیو کې وویل چې د هغو افغانانو چې په غیر قانونی توګه دغه هیواد ته ورځی د مخنیوی لپاره یې نوی سیاست غوره کړی دی.

هغه زیاته کړه: غیر قانونی مهاجر په پاکستان کې ځای نه لری او هغوی به وباسو ځکه چې زمونږ په هیواد کې د پاتېدو حق نه لری که څوک غواړی پاکستان ته راشی باید قانونی پروسه ووهی او په ویزې او قانونی اسنادو سره دغه هیواد ته راشی.

د خبر پای/.