افغانستان کښې د غنمو تولید ۱۳ فیصده زیات شوی دی

د فارس خبری آژانس د افغانستان د برخې د خبر له مخې، دافغانستان د احصائیو او اطلاعاتو د ملی ادارې ویاند وویل چې سږ کال د غنمو د تولید اندازه د تیر کال په پرتله کابو ۱۳ فیصده زیاته شوې ده.

په عین حال کښې په افغانستان کښې کرهڼې، اوبو لګونې او مالدارۍ وزارت په افغانستان کښې د غنمو د تولید د زیاتیدو علت، د اصلاح شویو تخمونو ویش او د هغو ځمکو په شمول چې مخکښې پرې کوکنار کرل کیدل، په حکومتی او د خلکو په شخصی ځمکو باندې  د غنمو پراخ کر وباله.

د ملی احصائیو د ادارې ویاند «محمد حلیم رافع»وویل: په هېواد کې دوه میلیون او دوه سوه هکټاره غنم کرل شوی، چې له دې جملې څخه ٣٤ میلیونه هکټاره یې د اوبه خور پټی او پاتې نوره یې للمی ځمکې دی. زموږ شمېرې ښیی چې سږ کال په افغانستان کې ۳.۴ میلیونه ټنه غنم تولید شوی چې د تېر کال په پرتله ۱۳ سلنه ډېروالی ښیی.

که څه هم د افغانستان په جنوب کې یو شمېر کروندګر په دغو ولایتونو کې د غنمو د کښت کچه ​​د پام وړ بولی، خو د دې محصول د عایداتو په اړه بېلابېل نظرونه وړاندې کوی.

خو د کرنې، اوبولګولو او مالدارۍ وزارت وایی، چې په افغانستان کې د غنمو د حاصلاتو د ډېرېدو لامل د اصلاح شویو تخمونو وېش او د خلکو په دولتی او شخصی ځمکو کې د غنمو د کښت پراخېدل دی، چې په هغو کې مخکښې کوکنار کرل شوی وو.

د کرنې، اوبولګولو او مالدارۍ وزارت ویاند مصباح الدین مستعین وایی:«افغانستان تل د غنمو په برخه کې د غنمو واردولو ته اړتیا لرلې او لایې  هم  لری.  د کرنې وزارت هڅه کوی، چې په هېواد کې د غنمو د تولید ساحې او د غنمو د تولید کچه لوړه کړی، څو افغانستان په دې برخه کې پر ځان بسیا شی.

د احصایو او معلوماتو ملی ادارې راپور ورکړی، چې په ۲۰۲۳ کال کې د افغانستان په ۷۱ سلنه کرنیزو ځمکو غنم کرل شوی، چې له دې جملې څخه هلمند او کندز ولایتونه تر ټولو زیات، پنجشیر، سمنګان او نورستان ولایتونه د غنمو کم تولید لری.

له بلې خوا په ۲۰۲۳ کال کې تخار او فاریاب ولایتونه د غنمو تر ټولو لوړ تولید لری او ننګرهار او بامیان ولایتونه د غنمو تر ټولو کم تولید لری.

د خبر پاې/ ر