ایران د افغانستان د مخالفانو لپاره امن ځای نه دی

د فارس خبری اژانس د راپور له مخې د طالبانو د موقت دولت د حج او اوقافو او د ارشاد وزارت  د دغه وزارت له سرپرست مولوی نور محمد ثاقب سره په کابل کې د ایران د سفارت د مرستیال سید حسن مرتضوی د کتنې خبر ورکړ.

مرتضوی په دغه کتنه کې وویل: ایران د افغانستان د مخالفانو لپاره امن ځای نه دی.

د ایران د سفارت مرستیال زیاته کړه چې په ایران کې د افغانستان د مهاجرینو لپاره په دینی او فرهنګی چارو کې لازمې اسانتیاوې رامینځته شوې دی.

د دغه وزارت په وینا مرتضوی د ارشاد حج او اوقافو د وزارت سرپرست ته بلنه ورکړه چې په ایران کې د اسلامی وحدت په اوه دېرشمه نړیواله غونډه کې برخه واخلی.

 د خبر پای/ ر