به گزارش خبرگزاری فارس از تبریز، علی شهودی شاعر برجسته آذربایجا‌ن‌شرقی شعری در خصوص  تبریز سروده که تقدیم می‌شود.

قهرمانلار اولکه سی یوخدور سنه تای تبریزیم 
ایز قویوب داغلار سنین سینه نده لای لای تبریزیم

خلق ائدنده عالمی خلاق بی همتا سنه 
اوز جلالیندان  وئریبدیر بیر بیوک پای تبریزیم

کعبه آمال  اولوب اهل کماله توپراغین
بو قیزیل توپراغینا جانلار فدا آی تبریزیم 

نه نهنگ آتلی ارنلر صید اولوب  تاریخ بویی
کیم آتیب اوخ بیلمیرم کیم گیزلدیب یای تبریزیم

سرخابیندا باش قویوب دور یاسدیغا خاقانی لر
سنده شاعرلر قوروب زنگین  قورولتای تبریزیم

قاوزاییب باش توپراغیندا داغ کیمی علامه لر
عرش اعلایه چاتیب عزت  باشین دای تبریزیم

شمس لر اولموش شبستانیندا روشن شمع تک
سن گونش سن سندن آلمیش نورونو آی تبریزیم

داغ دوشون بندین گیئنده یام  یاشیل اورتوگ لرین
بنذَیَرسن  جنت اعلایه  یاز یای تبریزیم

توپراغین لعل و جواهردیر قومون زر یوللانیر 
آیری بیر شهر و دیاره گونده  طای طای تبریزیم

ای اولان اودلار دیاری قهرمان اوغلانلارین 
اود ایچینده اوینایارمیداندا نای نای تبریزیم

باقرین  وار ستارین وار باکرین وار جبارین 
مین بیر اولادین واریندیر بیر به بیر سای تبریزیم

جبهه لرده سگیز  ایل اصلانلارین جان قویدولار
باتدی هر گون   پیکرین  القانه ای وای تبریزیم

سن بوتون ائللر باتاندا یاسه لای لای چالمیسان 
اولماییب چالسین سنه بیر کیمسه لای لای تبریزیم

تاریخی مسحور ائدیب حیرتده قویموش باش یازین
سنده آی ایللر سووب اولجایتو اولجای  تبریزیم

باغلاریندا وار  بوداقلاردا عطیرلی  میوه لر 
اولماییبدیربیر بارین حتی سنین  ضای تبریزیم

کیم وطنده ایستَییب یاردیم،اوجالدیبدیرسسین
قاوزانیب اولده سندن  اول هایا های تبریزیم

کیم قوناق گلسه  نجابتلی قادینلاردان وئره ر 
دادلی دوزلو کوهده اوسته ن ایچمه لی چای تبریزیم

یاز گلیب یولدان یئتنده باغدا  بولبوللر کیمی
قوشمالار قوشسون شهودی ائللره  یای تبریزیم

انتهای پیام/۶۰۰۰۲/س