به گزارش خبرگزاری فارس از تبریز، علی شهودی شاعر برجسته آذربایجانشرقی شعری در خصوص حضرت زینب (س)؛ آموزگار مکتب بردباری و رشادت و اربعین سروده که تقدیم می‌شود.
خالق یکتا وئریبدیر گنج عزت زینبه
بذل ائدیبدیرگوهرصبروصلابت زینبه
مکتب عصمتده تحصیل کمالات ائیلییب
حضرت زهرا وئریبدیر درس عفت زینبه
یوخ وجودوندا اونون بیر ذره قوخماقدان اثر
اورگدیب شیرخدا مشق شجاعت زینبه
وار اونون عباس تک بیر ماه طلعت قارداشی
جراتی یوخ ائیلسین بیرکس جسارت زینبه
ائتدی یوز یول خالق او بانوی صبری امتحان
وئردی اوز دشت بلاده یوز قیامت زینبه
اگمییب اگمز علی اولادی باشین ذلته
کیمدی تا دشمن وورا قید اسارت زینبه
شام شومین دوزدی رنج و محنت و آلامینه
عاقبت گوستردی یوزصبح سعادت زینبه
فتح ائدیب شاماتی تیغ آتشین نطقلن
اورگدیب چون مرتضی فن فصاحت زینبه
شامدن یوز قویدو دشت کربلایه دل غمین
کعبه آمال اولوب اول پاک تربت زینبه
آیریلیب ویرانسراده دفن اولان نوباوه دن
چوخ گران گلدی بو رنج و بو مصیبت زینبه
گلدی چاتدی کربلایه کاروان شور و شین
آیری بیر احوال ائدیبدیر غم حوالت زیبنه
گوئیا باد صبا سویلر زبان حالیله
دور گیلان خوش گلدین ائت ای شاه البت زینبه
سویله ای یورقون باجی خوش گلمیسن دیداریمه
باردیگر کونلون آل ائیله محبت زینبه
امر ائله عباسه چیخسین پیشوازه اشگبار
مرکبیندن اندیریب ائتسین حراست زینبه
الغرض کوه مصیبت چاتدی بحرعزته
یوخ قلمده نا تاپا آیری عبارت زینبه
دوشدی تا کی گوزلری شاه شهیدان قبرینه
بیلمیرم یوز وئردی یارب من نه حالت زینبه
سویلدی اولسون باجون قربان بو پوزقون قبریوه
نوشدور قارداش یولوندا هر مشقت زینبه
بیربه بیرقیزلاروی سالم گتیردیم دیده لیک
مرحمت قیل ناز دانه دن خجالت زینبه
ائیلدی شرح فراق و تاپدی آرام و قرار
شامل اولدی اربعینینده زیارت زینبه
سندن شایق سن شهودی شاه دین دیدارینه
آند وئر قیلسین اجابت بحرعصمت زینبه
انتهای پیام/60001 /س
افشای کامل
روایتگری موثر
زیستگاه رسانه
قصه های کرونا
کد اقناع
کیفیت حکومت
