به گزارش خبرنگار خبرگزاری فارس در دوشنبه، «سید مومن یتیم‌اف»، رئیس کمیته دولتی امنیت ملی تاجیکستان به افغانستان سفر و با «عبدالله عبدلله»، رئیس شورای عالی مصالحه ملی این کشور ملاقات کرد.
در جریان این دیدار موضوعات مربوط به همکاری دو جانبه و امنیتی دو کشور همسایه مورد بحث و بررسی قرار گرفت.
در این دیدار دو طرف در مورد تلاش‌های صلح، آخرین تحولات در مذاکرات دوحه، وضعیت امنیتی، روابط دو جانبه میان دو کشور و اوضاع مرزی میان افغانستان و تاجیکستان بحث و تبادل نظر کردند.
عبدالله با قدردانی از حمایت اصولی و همیشگی «امامعلی رحمان» رئیس جمهور تاجیکستان از تلاش‌های صلح در افغانستان بر اهمیت ادامه این حمایت‌ها و اجماع منطقه‌ای در دست‌یافتن به صلح دائمی تأکید کرد.
چند روز پیش در 11 فوریه، «امامعلی رحمان» رئیس جمهور تاجیکستان با «محمد اشرف غنی» رئیس جمهور افغانستان گفت و گوی تلفنی داشتند.
سران دو کشور طی این تماس تلفنی از عزم خود برای اطمینان از صلح و ثبات در افغانستان و بازسازی پس از جنگ، تاکید کردند.
روسای جمهور همچنین در مورد وضعیت مرزهای دو کشور صحبت کردند و در این راستا رحمان خواستار افزایش همکاری های تاجیکستان و افغانستان در مبارزه با تروریسم بین المللی، افراطگرایی، قاچاق اسلحه و مواد مخدر، شد.
طرفین توافق کردند اواخر ماه مارس در دوشنبه کنفرانس بعدی وزیران امور خارجه کشورهای شرکت کننده «قلب آسیا – روند استانبول» را تحت ریاست مشترک تاجیکستان و افغانستان، برگزار کنند.
انتهای پیام/ح
افشای کامل
روایتگری موثر
زیستگاه رسانه
قصه های کرونا
کد اقناع
کیفیت حکومت
